அருக்கொணா மலை (நகுலேஸ்வரம்)

(ஈழ நாட்டுத் திருப்புகழ் தலங்கள்)

பிரிவு: தொண்டை நாடு

மாவட்டம்: யாழ்ப்பாணம் (Jaffna)

திருக்கோயில்: அருள்மிகு நகுலேஸ்வரர் திருக்கோயில்

தல வகை: சிவத் தலம்

பாடிய அருளாளர்கள்: அருணகிரிநாதர்

அமைவிடம் (செல்லும் வழி):

யாழ்ப்பாணம் நல்லூரிலிருந்து சுமார் 20 கி.மீ தூரத்தில் (40 நிமிட பயணத் தொலைவில்) அமைந்துள்ளது கீரிமலை எனும் நகுலேஸ்வரம். 

(Google Maps: Keerimalai Naguleswaram Kovil, Kankesanturai, Sri Lanka)

திருப்புகழ் பாடல்கள்:

இத்தலத்துக்கு கிடைத்துள்ள திருப்புகழ் பாடல்கள் 1.

(குறிப்பு: கீழ்க்குறித்துள்ள திருப்பாடல் பாராயணம் புரிவதற்கு எளிதான முறையில், சந்தஓசை மாறாத வண்ணம், முறையாகப் பிரித்துத் தொகுக்கப் பெற்றுள்ளது): 

தனத்த தானன தனத்த தானன
     தனத்த தானன தனத்த தானன
          தனத்த தானன தனத்த தானன ...... தனதான

தொடுத்த வாளென விழித்து மார்முலை
     அசைத்து மேகலை மறைத்து மூடிகள்
          துடித்து நேர்கலை நெகிழ்த்து மாஇயல் ...... கொளுமாதர்

சுகித்த ஹாவென நகைத்து மேல்விழ
     முடித்த வார்குழல் விரித்துமேஇதழ்
          துவர்த்த வாய்சுருளடக்கி மால்கொடு ...... வழியேபோய்ப்

படுத்த பாயலில் அணைத்து மாமுலை
     பிடித்து மார்பொடும் அழுத்தி வாயிதழ்
          கடித்து நாணமதழித்த பாவிகள் ...... வலையாலே

பலித்து நோய்பிணி கிடத்து பாய்மிசை
     வெளுத்து வாய்களும் மலத்தினாயென
          பசித்து தாகமும் எடுத்திடா உயிர்...... உழல்வேனோ

வெடுத்த தாடகை சினத்தை ஓர்கணை
     விடுத்து யாகமும் நடத்தியேஒரு
          மிகுத்த வார்சிலை முறித்த மாயவன் ...... மருகோனே

விதித்து ஞாலமதளித்த வேதனை
     அதிர்த்து ஓர்முடி கரத்துலாஅனல்
          விழித்து காமனையெரித்த தாதையர் ...... குருநாதா

அடுத்த ஆயிர விடப் பணாமுடி
     நடுக்க மாமலை பிளக்கவே!கவ
          டரக்கர் மாமுடி பதைக்கவே பொரு ...... மயில்வீரா

அறத்தில் வாழ்உமை சிறக்கவே!அறு
     முகத்தினோடணி குறத்தி !யானையொ
          டருக்கொணாமலை தருக்குலாவிய ...... பெருமாளே

(2026 நவம்பர் மாதம் சென்றிருந்த தலயாத்திரையின் பொழுது எடுக்கப்பட்ட காட்சிகள் இவை)