திருப்புகழ் தலங்கள்: வேப்பூர்:

(தொண்டை நாட்டுத் திருப்புகழ் தலங்கள்)

பிரிவு: தொண்டை நாடு

மாவட்டம்: வேலூர்

திருக்கோயில்: அருள்மிகு பாலகுஜாம்பிகை சமேத ஸ்ரீவசிஷ்டேஸ்வரர் திருக்கோயில்

தல வகை: சிவத்தலம்

பாடிய அருளாளர்கள்: அருணகிரிநாதர்

தலக் குறிப்புகள்:

சென்னை வேலூர் பயண மார்க்கத்தில், வேலூருக்கு சுமார் 22 கி.மீ முன்னர் அமைந்துள்ளது வேப்பூர் எனும் திருப்புகழ் தலம், பிரதான சாலையிலேயே 'வசிஷ்டேஸ்வரர் திருக்கோயில்' எனும் வழிகாட்டிப் பலகையினை அடையாளமாகக் கொள்ளலாம். (அடையார் ஆனந்த பவன் - வேப்பூர் கிளைக்கு மிக அருகிலேயே இப்பெயர்ப் பலகை வைக்கப் பெற்றுள்ளது). இவ்விடத்திலிருந்து சுமார் 1 - 1/2 கி.மீ ஊருக்குள் பயணித்தால் திருக்கோயிலை அடையலாம்.

நன்கு பரமாரிக்கப் பெற்றுள்ள நிலையில் பிரமாண்டமான இக்கற்கோயில் விளங்குகின்றது. ஷடாரண்ய ஷேத்திரங்களுள் (ஆறு முனிவர்கள் பூசித்த ஆறு புண்ணியக் காடுகளுள்) ஒன்றான இத்தலம் வசிஷ்ட முனிவரால் பூசிக்கப் பெற்றுள்ளது. மூலமூர்த்தியான வசிஷ்டேஸ்வரருக்கு நேரெதிரில் வணங்கிய நிலையிலுள்ள வஷிஷ்டரின் திருமேனியினைத் தரிசித்து மகிழலாம். பிரகாரச் சுற்றில் அருணகிரிப் பெருமானால் பாடல் பெற்றுள்ள திருப்புகழ் தெய்வம், ஒரு திருமுகம்; நான்கு திருக்கரங்களுடன், வள்ளி தெய்வயானை தேவியர் சமேதராக எழுந்தருளி இருக்கின்றான்.

அருணகிரியார் இத்தலத்திற்கென ஒரு திருப்புகழ் திருப்பாடலை அருளியுள்ளார்,

(Google Maps: Sri Annai Balagujambikai Samedha Vasishteswarar Temple, Arcot, Tamil Nadu 632503, India)