திருப்புகழ் தலங்கள்: கன்னபுரம்

(கொங்கு நாட்டுத் திருப்புகழ் தலங்கள்)

பிரிவு: கொங்கு நாடு

மாவட்டம்: திருப்பூர்

திருக்கோயில்: அருள்மிகு விக்கிரம சோளீஸ்வரர் திருக்கோயில்

தல வகை: சிவத்தலம்

பாடிய அருளாளர்கள்: அருணகிரிநாதர்

அமைவிடம் (செல்லும் வழி):

தாராபுரம் வட்டத்தில், திருப்பூர் இரயில் நிலையத்திலிருந்து சுமார் 40 கி.மீ தூரத்திலும், காங்கேயத்திலிருந்து 12 கி.மீ தூரத்திலும் அமைந்துள்ளது கன்னபுரம் (அல்லது கண்ணபுரம்). மாபாரதக் கண்ணனோடும், பஞ்ச பாண்டவர்களோடும் தொடர்புடைய தலம். 'அருணகிரிநாதர் அடிச்சுவட்டில்' நூலாசிரியர் சிவத்திரு. வலையப்பேட்டை கிருஷ்ணன் அவர்களின் பிரயத்தனத்தினால் வெளிக்கொணரப் பெற்ற திருப்புகழ் தலங்களுள் இத்தலமும் ஒன்று.

ஓரளவு விசாலமான ஆலய வளாகம், நன்கு புனரமைக்கப் பெற்றுள்ள நிலையில் திகழ்கின்றது. முக்கண் முதல்வர் 'விக்கிரம சோளீஸ்வரர்' எனும் திருநாமத்திலும், அம்பிகை வித்தகச் செல்வியாகவும் எழுந்தருளி இருக்கின்றனர். வெளிப்பிரகாரச் சுற்றின் பின்புறம், வலது பக்கத்தில் திருப்புகழ் தெய்வமான நம் கந்தக் கடவுள் ஆறு திருமுகங்கள்; பன்னிரு திருக்கரங்களுமாய், இரு தேவியரும் உடனிருக்க, பீடத்தின் மீது நின்ற திருக்கோலத்தில் அற்புதமாய் எழுந்தருளி இருக்கின்றான்.

இவ்வாலயத்திற்கு மிக அருகிலேயே அமைந்துள்ள, பிரசித்தி பெற்ற கன்னபுரம் மாரியம்மன் திருக்கோயிலையும் அவசியம் தரிசித்து மகிழ்தல் வேண்டும்.

அருணகிரிப் பெருமான் இம்மூர்த்தியை ஒரு திருப்பாடலால் போற்றிப் பரவியுள்ளார்,

(Google Maps: Vikrama cholleswarar Kovil, Kannapuram, Patchapalayam, Tamil Nadu 638701, India)