திருப்புகழ் தலங்கள்: சோமநாதன் மடம் (புத்தூர்):

(நடு நாட்டுத் திருப்புகழ் தலங்கள்)

பிரிவு: நடு நாடு

மாவட்டம்: திருவண்ணாமலை

திருக்கோயில்: அருள்மிகு அட்சரவல்லி அன்னை சமேத ஸ்ரீவித்யாபதீஸ்வரர் திருக்கோயில்

தல வகை: சிவத்தலம்

பாடிய அருளாளர்கள்: அருணகிரிநாதர்

தலக் குறிப்புகள்:

ஆற்காட்டிலிருந்து ஆரணி செல்லும் மார்க்கத்தில், ஆரணியிலிருந்து 11 கி.மீ தூரத்தில் அமைந்துள்ளது தாமரைப்பாக்கம் எனும் சிற்றூர். அவ்வூரினுள் 5 கி.மீ பயணித்தால், பச்சைப் பசேலென்று காட்சியளிக்கும் நெருக்கமான வயல்வெளிகளுக்கு நடுவில், ஏகாந்தமான சூழலில் அமையப் பெற்றுள்ளது 'புத்தூர் ஸ்ரீவித்யாபதீஸ்வரர் திருக்கோயில்'. வேலூர் மற்றும் திருவண்ணாமலை மாவட்டங்களின் எல்லைப் பகுதியில் அமைந்துள்ளது இத்தலம்.

சோமநாதர் என்பார் 'அருணகிரிநாதரின் சமகாலத்தில் வாழ்ந்து வந்த தவசீலர்', திருவண்ணாமலையில் எழுந்தருளியுள்ள சிவமூர்த்தியை இஷ்ட தெய்வமாகக் கொண்டு புத்தூரில் வசித்து வந்த சோமநாதர் அவ்வூரிலேயே சிறு மடமொன்றினை அமைத்துச் சிவபெருமானோடு சேர்த்து ஆறுமுகக் கடவுளையும் நியமத்துடன் பூசித்து வந்துள்ளார். இவரின் காலத்திலேயே இவரது பெயரைக் கொண்டே 'சோமநாத மடம்' என்று இத்தலம் பிரசித்தமாக அறியப்பட்டு வந்துள்ளது.

Google Maps:
Vithyabadheeswarar Temple, Unnamed Road,, Puthur, Tamil Nadu 632512

Thamaraipakkam, Tamil Nadu 632504