கோடிநகர் (கோடிக்கரை - குழகர் கோயில்)

(சோழ நாடு (காவிரி தென்கரை) திருப்புகழ் தலங்கள்)

பிரிவு: தொண்டை நாடு

மாவட்டம்: நாகப்பட்டினம்

திருக்கோயில்: அருள்மிகு அமிர்தகடேஸ்வரர் திருக்கோயில் 

தல வகை: சிவத்தலம் 

பாடிய அருளாளர்கள்: அருணகிரிநாதர், சுந்தரர் (தேவாரம்)

தலக் குறிப்புகள்: 

வேதாரண்யத்திலிருந்து 10 கி.மீ தூரத்தில் அமைந்துள்ளது இத்திருக்கோயில்.

(Google Maps: Kuzhagar Kovil, Kodiyakadu, Tamil Nadu 614807, India)

திருப்புகழ் பாடல்கள்:

இத்தலத்துக்கு கிடைத்துள்ள திருப்புகழ் பாடல்கள் 1.

(குறிப்பு: கீழ்க்குறித்துள்ள திருப்பாடல்கள் பாராயணம் புரிவதற்கு எளிதான முறையில், சந்தஓசை மாறாத வண்ணம், முறையாகப் பிரித்துத் தொகுக்கப் பெற்றுள்ளது): 

தானதன தானதன தானதன தானதன

     தானதன தானதன ...... தனதான

நீலமுகிலான குழலான மடவார்கள்தன

     நேயமதிலே தினமும் உழலாமல்

நீடுபுவியாசை பொருளாசை மருளாகியலை

     நீரிலுழல் மீனதென ...... முயலாமல் 

காலனது நாஅரவ வாயிலிடு தேரையென

     காய மருவாவி விழ ...... அணுகாமுன்

காதலுடனோதும் அடியார்களுடநாடியொரு

     கால்முருக வேளெனவும் அருள்தாராய்

சோலைபரண் மீதுநிழலாக தினை காவல்புரி

     தோகைகுற மாதினுடன் உறவாடிச்

சோரனென நாடிவருவார்கள் வன வேடர்விழ

     சோதிகதிர் வேலுருவு ...... மயில்வீரா

கோலஅழல் நீறுபுனை ஆதி சருவேசரொடு

     கூடிவிளையாடும் உமை ...... தருசேயே

கோடுமுக ஆனைபிறகான துணைவா குழகர்

     கோடிநகர் மேவிவளர் ...... பெருமாளே