திருப்புகழ் தலங்கள்: திருத்துருத்தி (குத்தாலம்)

(சோழ நாடு (காவிரி தென்கரை) திருப்புகழ் தலங்கள்)

பிரிவு: தொண்டை நாடு

மாவட்டம்: நாகப்பட்டினம்

திருக்கோயில்: அருள்மிகு உக்த வேதீஸ்வரர் திருக்கோயில்

தல வகை: சிவத்தலம்

பாடிய அருளாளர்கள்: அருணகிரிநாதர், திருஞானசம்பந்தர் (தேவாரம்), அப்பர் (தேவாரம்), சுந்தரர் (தேவாரம்)

தலக் குறிப்புகள்:

கும்பகோணத்திலிருந்து சுமார் 27 கி.மீ தூரத்திலும், மயிலாடுதுறையிலிருந்து 11 கி.மீ பயணத் தொலைவிலும் அமைந்துள்ளது திருத்துருத்தி (தற்கால வழக்கில் குத்தாலம்).

சிவபரம்பொருள் உக்தவேதீஸ்வரர்; சொன்னவாறறிவார் எனும் திருநாமங்களிலும், இறைவி அரும்பன்ன வனமுலையாள்; அமிர்த முகிழாம்பிகை எனும் திருநாமங்களிலும் எழுந்தருளியுள்ள புண்ணியப் பதி. தேவார மூவராலும் அருணகிரிப் பெருமானாலும் பாடல் பெற்றுள்ள சிறப்புப் பொருந்தியது.

அம்மை பூசிக்க இறைவர் திருமண வரமருளிய ஷேத்திரம். எண்ணிறந்தோர் இத்தல இறைவரைப் பூசித்துப் பேறு பெற்றுள்ளனர்.

சுந்தரனார் சரும நோய் நீங்கப் பெற்ற திருக்குளம் ஆலயத்தின் துவக்கப் பகுதியிலேயே, இடது புறத்தில் அமைந்துள்ளது. இங்கு வன்தொண்டர் தனிச்சன்னிதியில் கூப்பிய கரங்களுடன் எழுந்தருளி இருக்கின்றார்.

பிரகாரச் சுற்றின் பின்புறம் திருப்புகழ் தெய்வமான நம் கந்தப் பெருமான் ஆறுமுகங்கள் பன்னிரு திருக்கரங்களோடு மயில் மீதமர்ந்து, இடது காலை மடித்து வலது காலைத் தொங்கவிட்டவாறு, இரு தேவியரும் உடனிருக்க, தனித்துவமான அற்புதத் திருக்கோலத்தில் பிரத்யட்சமாய் எழுந்தருளி இருக்கின்றான். காண்பதற்கரிய விவரிப்பதற்கரிய திருக்கோலம்.

அருணகிரிப் பெருமான் இம்மூர்த்திக்கென ஒரு திருப்பாடலை அருளிச் செய்துள்ளார்.

(Google Maps: Sri Utha Vedheeswarar Temple,Padal Petra Temple, Kuttalam, Tamil Nadu 609801, India)