திருப்புகழ் தலங்கள்: இஞ்சிகுடி:

(சோழ நாடு (காவிரி தென்கரை) திருப்புகழ் தலங்கள்)

பிரிவு: தொண்டை நாடு

மாவட்டம்: திருவாரூர்

திருக்கோயில்: அருள்மிகு அன்னை சாந்த நாயகி சமேத ஸ்ரீபார்வதீஸ்வரர் திருக்கோயில்

தல வகை: சிவத்தலம்

பாடிய அருளாளர்கள்: அருணகிரிநாதர்

தலக் குறிப்புகள்:

திருவாரூரிலுருந்து சுமார் 23 கி.மீ தொலைவிலும், நன்னிலத்திலிருந்து 13 கி.மீ தொலைவிலும், பேரளத்திலிருந்து 2.5 கி.மீ தொலைவிலும் அமைந்துள்ளது இஞ்சிக்குடி.

சிவபரம்பொருள் பார்வதீஸ்வரர் எனும் திருநாமத்திலும், அம்பிகை தவக்கோலத்தில் 'சாந்த நாயகி' எனும் திருநாமத்திலும் எழுந்தருளி இருக்கின்றனர்.

வெளிப் பிரகாரச் சுற்றின் பின்புறம் கந்தக் கடவுள் ஒரு திருமுகம்; நான்கு திருக்கரங்களோடு, இரு தேவியரும் உடனிருக்க, நின்ற திருக்கோலத்தில் சுப்பிரமணியனாய்த் திருக்காட்சி தருகின்றான்.

அருணகிரியார் இம்மூர்த்தியை ஒரு திருப்பாடலால் போற்றிப் பரவுகின்றார்.

இத்திருப்புகழில், ஸ்ரீராமசந்திர மூர்த்தி எழுபது வெள்ள வானர சேனைகளோடு, அலைகடலில் சேதுபந்தன பாலம் அமைத்துச் சென்று, இராவணன் உள்ளிட்ட அரக்கர் கூட்டத்தை வேரோடு அழித்தொழித்த நிகழ்வுகளைப் பதிவு செய்கின்றார்.

திருப்பாடலின் இறுதி வரியில் இத்தலத்து இறைவரான பார்வதீஸ்வரரின் திருப்பெயரையும் குறித்துப் போற்றுகின்றார்.

(Google Maps: Arulmigu Parvatheeswarar Temple, Injikudi.)